ए जी, लाली पलंग जवांदानी तकिया।

ए जी, लाली पलंग जवांदानी तकिया।
करवा फेरीं ना बलमुजी हमारी ओरिया।
ए जी, आमवाँ महुअवा के झूमे डढ़िया।
तनी ताकीं ना बलमुजी हमारी ओरिया।
आमवाँ मोजरि गइलें महुआ कोंचियाई गइलें
ए जी, रसवा से भरली सगरी डढ़िया। तानी।
कोइली के बोली सुनी मन बउराई गइलें।
ए जी, ना अइलें हमरो बलमु रसिया। तानी।
महुआ बीनन गइनीं ओही महुआ बगिया।
ए जी, रहिया जे छेंकेला देवर पपिया। तनी।
कइसे के फेरीं हो तोहारी ओरिया।
तोहरा हारवा के मीनावाँ गरेला छतिया।
कहत महेन्दर हो मिलन के रतिया।
बिहने जइबऽ कालकातवा फाटेला छतिया।