इक नुक़्ते विच गल्ल मुक्कदी ए

फड़ नुक़्ता छोड़ हिसाबां नूं, कर दूर कुफ़र दीआं बाबां नूं,
लाह दोज़ख गोर अज़ाबां नूं, कर साफ दिले दीआं ख़ाबां नूं,
गल्ल एसे घर विच ढुक्कदी ए इक नुक़्ते विच गल्ल मुक्कदी ए ।

ऐवें मत्था ज़मीं घसाईदा, लंमा पा महराब दिखाई दा,
पढ़ कलमा लोक हसाई दा, दिल अन्दर समझ ना लिआई दा,
कदी बात सच्ची वी लुक्कदी ए ? इक नुक़्ते विच गल्ल मुक्कदी ए ।

कई हाजी बण बण आए जी, गल नीले जामे पाए जी,
हज्ज वेच टके लै खाए जी, भला इह गल्ल कीहनूं भाए जी,
कदी बात सच्ची भी लुक्कदी ए ? इक नुक़्ते विच गल्ल मुक्कदी ए ।

इक जंगल बहरीं जांदे नी, इक दाणा रोज़ लै खांदे नी,
बे समझ वजूद थकांदे नी, घर होवणा हो के मांदे नी,
ऐवें चिल्लिआं विच जिन्द मुक्कदी ए इक नुक़्ते विच गल्ल मुक्कदी ए ।

फड़ मुरशद आबद खुदाई हो, विच्च मसती बेपरवाही हो,
बेखाहश बेनवाई हो, विच्च दिल दे खूब सफाई हो,
बुल्ल्हा बात सच्ची कदों रुकदी ए इक नुक्ते विच गल्ल मुक्कदी ए ।